អស់រយៈពេលជិត២ទស្សវត្សន៍មកនេះ! ក្នុងស្នាដៃចម្រៀងរបស់ខ្ញុំជាងរាប់រយបទគ្រប់ប្រភេទចង្វាក់ សុទ្ធសឹងតែជាការចម្រាញ់ចេញពីអារម្មណ៍ជាក់ស្តែងពិតៗ ជាពិសេសខ្ញុំគឺជាមនុស្សម្នាក់ដែលចូលចិត្ត បញ្ច្រៀបអត្ថន័យបែបអប់រំ លើកទឹកចិត្តដល់អ្នកស្តាប់ ! ខ្ញុំឆ្ងល់ណាស់មិនដឹងថាមកពីហេតុអ្វី ! បានជារាល់ពេលដែលខ្ញុំយកចម្រៀងឲ្យអ្នកដទៃស្តាប់គេ ញញឹម គេរំជើបរំជួល ខ្ញុំសប្បាយចិត្តណាស់ ជាពិសេសពេលដែលអ្នកណាម្នាក់មិនសប្បាយចិត្ត បាក់ទឹកចិត្ត ឬអារម្មណ៍មិនល្អ ខ្ញុំតែងតែតាមសួរនាំ ហើយចង់ជជែកជាមួយគេដើម្បីប្រឹក្សាផ្លូវចិត្ត! ទាំងពេលខ្លះពាក្យប្រឹក្សាទាំងនោះខ្ញុំមិនអាចយកមក អនុវត្តលើខ្លួនឯងផ្ទាល់ក៏ដោយ!
...........................................
ខ្ញុំមានអនុស្សាវរីយ៍ស្នាដៃចម្រៀងលើកទឹកចិត្ត៤បទទាក់ទងជាមួយនិងសាច់រឿងរបស់ សិស្សប្រឡងបាក់ឌុប ដែលបកស្រាយដោយតារាចម្រៀងប្រុសស្រីមកពីផលិតកម្មខុសៗគ្នា មានទាំងកម្សត់ មនោសញ្ចេតនា បង្កប់ដោយអត្ថន័យជ្រាលជ្រៅ !
បទទី១៖ សង្សារថ្នាក់ទី១២ ច្រៀងដោយ បងប្រុស នៅស៊ីនឿន
សម្រួលបទភ្លេងដោយ បងប្រុសចក់ (អតីតក្រុមចចកសមុទ្រ)
ក្នុងអាល់ប៊ុមពិសេស THE CLASSROOM
ផលិតក្នុងឆ្នាំ២០១១ ក្នុងផលិតកម្មរស្មីហង្សមាស
បទទី២៖ ធនាគារទឹកភ្នែក ច្រៀងដោយ បងប្រុសសុគន្ធថេរាយុ
និពន្ធបទភ្លេងថ្មីដោយ បងប្រុសដាភ្លេង ផលិតក្នុងឆ្នាំ ២០១៥ ដោយផលិតកម្មថោន
បទទី៣៖ រំកិលភ្នំ ច្រៀងដោយ ប្អូនស្រី ឈីន រតនៈ
និពន្ធបទភ្លេងថ្មីដោយបងប្រុស សាន់សុខដែន ផលិតក្នុងឆ្នាំ២០១៨ ដោយផលិតកម្មរស្មីហង្សមាស
បទទី៤៖ ទឹកប៊ិកពណ៌ឈាម បកស្រាយដោយ បងស្រី ស៊ុនស្រីពេជ្រ
និពន្ធបទភ្លេងថ្មីដោយ ប្អូនប្រុស ប៊ុនប៉ ផលិតក្នុងឆ្នាំ២០១៩ ដោយផលិតកម្មថោន
គឺជាបទដែលខ្ញុំស្រលាញ់ជាងគេ ហើយខ្ញុំគម្រោងនិងដឹកនាំំសម្តែងចេញMV កូវីតក៏បានចូលមកដល់
សរសេរនៅភ្នំពេញ យប់ថ្ងៃអាទិត្យ ម៉ោង 12:18 AM ( 06-09-2018 )
