បន្ទាប់ពីខ្ញុំបានប្រកាសនូវចំណងជើងរឿង ស្រីបាចិញ្ចឹមកូនដែលជាសាច់រឿងពិតដែលខ្ញុំទទួលបាន ពី CALLER របស់ស្ថានីយ៍វិទ្យុមហាជន ABC 106.5 ធ្វើឲ្យសាច់រឿងមួយនេះលេចរូបរាងឡើង ។ ថតបានពាក់កណ្តាល PROJECT SHORTFILM ត្រូវបានបង្កកអស់រយៈពេលមួយឆ្នាំ ទោះបីជាវិដេអូខ្លីៗ Behind The Scene បង្ហោះនៅក្នុងបណ្តាញសង្គមមានគេចុចមើលរាប់លាន Views គ្រប់ Page ។

នៅពីក្រោយភាពចម្រូងចម្រាស់ផ្ទៃក្នុង សម្ពាធពីអ្នកគ្រប់គ្រងក្រោមហេតុផលថា អត្ថន័យ និងរូបភាពប៉ះពាល់ ធ្វើឲ្យខ្ញុំបង្ខំចិត្ត ផ្អាកការផលិតគម្រោងមួយនេះអស់រយៈពេល១ឆ្នាំ ទាំងបង្ខំចិត្ត ទោះបីជាវិទ្យុABC តែងតែរឮកឈ្មោះនិងប្រកាសផ្សាយជារឿយៗយ៉ាងណាក៏ដោយ

ការវិលត្រឡប់មកសារជាថ្មី Project ស្រីបាចិញ្ចឹមកូន ត្រូវបានលេចរូបរាងឡើង ដោយធ្វើ EVENT LAUNCHING នៅក្នុងរោងកុន LEGEND CINEMA និងមានការ TOUR ទៅដល់ខេត្តសៀមរាបថែមទៀតផង! ក្រោមការដឹកនាំដោយ KA HENG ដែលជាកូនសិស្សផ្ទាល់របស់ខ្ញុំបាទ! អរគុណហេងសម្រាប់ក្តីពុះពារមួយនេះ !

ចម្រៀងខ្សែរឿងអប់រំប្រភេទ SHORTFILM មានរយៈពេល៤០នាទី

មានឈ្មោះថា ( ស្រីបាចិញ្ចឹមកូន )

សម្តែងដោយ៖ កាតុ សុគន្ធថេរាយុ យ៉ាន់សុជាតា ក្រុម4T ឌីណា ធុលមករា បូរិន ធីតា អាតសុខ

អមដោយចម្រៀងចំនួនបទ៖

01- ស្រីបាចិញ្ចឹមកូន-----------------------ច្រៀងដោយ កាតុ

02- ផ្ញើបរិញ្ញបត្រ័ឲ្យមេឃមើល------------ច្រៀងដោយ សុគន្ធថេរាយុ

03- ផ្ញើបរិញ្ញាបត្រ័ឲ្យមេឃមើល-----------ច្រៀងដោយ យ៉ាន់ សុជាតា

រូបថតអនុស្សាវរីយ៍ពេលចាក់បញ្ចាំងនៅរោងកុនLEGEND ភ្នំពេញ

រូបថតអនុស្សាវរីយ៍ជាមួយម៉ាក់ ប្អូនស្រីបង្កើត និងម្តាយធំរបស់ខ្ញុំ

រូបថតអនុស្សាវរីយ៍ជាមួយប្អូនស្រីវិគី ពិធីការនី

រូបថតអនុស្សាវរីយ៍ពេលចាក់បញ្ចាំងនៅរោងកុនLEGEND ខេត្តសៀមរាប

រំឭកអនុស្សាវរីយ៍ជាមួយបងប្រុសឱកញ៉ាខេមរៈសេរីមន្ត ក្នុងបទចម្រៀងទេសចរណ៍ ដែលខ្ញុំបានសរសេរក្នុងឆ្នាំ២០១៧ ។ ជាមួយបទចម្រៀងទេសចរ ដែលរៀបចំឡើងដោយ ឯកឩត្តម គួចចំរើន ក្នុង PROJECT មួយមានឈ្មោះថា ( ក្រុងព្រះសីហនុឋានសួគ៍ជាប់ដី ) ហើយត្រូវបានសម្ភោធន៍នូវរូបសំណាក់ ព្រះថោងនាងនាគ ជាផ្លូវការដោយសម្តេចតេជោ ធ្វើឲ្យមានភាពល្បីល្បាញ ទាក់ទាញភ្ញៀវទេសចរទូទាំងប្រទេស

ក្នុង PROJECT នេះក៏មានចម្រៀង២បទទៀត ដែលជាស្នាដៃរបស់ខ្ញុំផងដែរ៖

01- កំពង់សោមប្រលោមចិត្ត ------------------------ច្រៀងដោយ ឱកញ៉ាខេមរៈសេរីមន្ត

02- ទេសចរក្រមុំ----------------------------------------ច្រៀងដោយ មាស សុខសោភា

03- បណ្តាំធម្មជាតិ--------------------------------------ច្រៀងដោយ សុគន្ធនីសា

និពន្ធទំនុកច្រៀងដោយ៖ សោមដូរ៉េ / និពន្ធបទភ្លេងដោយ៖ THOMET

រាជនី Legendary ទាំង៩ តែនៅខ្វះម្នាក់! ដែលខ្ញុំបានប្រាថ្នារួមការងារជាមួយតាំងពីនៅក្មេង! ពេលនេះខ្ញុំបានសម្រេចក្តីស្រម៉ៃបាន៨នាក់ហើយនៅសល់តែ១នាក់ទេ! Soon ! #សោមដូរ៉េ

ជាបងស្រីដ៏កម្សត់របស់ប្អូន ហើយក៏ស្រលាញ់ជាងគេ! ចរិតម៉ឺងម៉ាត់ នឹងធឹងពូកែអត់ធ្មត់! តែប្រើអារម្មណ៍ខ្លាំងពេក ធ្វើឲ្យប្អូនសោកសៅពេលដែលប្អូនខំជំនះគ្រប់យ៉ាងដើម្បីបង! តែងតែផ្តល់តម្លៃគ្រប់ការងាររបស់ប្អូន ពូកែផ្តល់កម្លាំងចិត្ត លើកទឹកចិត្តប្អូនគ្រប់កាលៈទេសៈ តែមិនអាចផ្តល់កម្លាំងចិត្តឲ្យខ្លួនឯងជំនះឧបសគ្គបន្ត! ប្អូននៅតែរង់ចាំបងត្រឡប់មកវិញគ្រប់ពេលវេលា គ្មានថ្ងៃបោះបង់ការរង់ចាំឡើយ! ស្រលាញ់បងគ្រប់វេលាក្នុងដួងចិត្ត

ជាបងស្រីដែលមានចរិតខ្និកខ្នក់គួរឲ្យស្រលាញ់ ចិត្តត្រង់ស្លូ មាត់ដាចដោយពេល! តែធាតុពិតខាងក្នុងចិត្តល្អ ពូកែលួងប្អូន លើកទឹកចិត្តប្អូនគ្រប់ពេល ការងារស៊ីចង្វាក់ជាមួយគ្នាព្រោះ ចូលចិត្តប្រើអារម្មំណ៍ តែពេលខ្លះគួរឲ្យចង់ក្តិច!

ជាបងស្រីដែលគួរឲ្យស្រលាញ់ ទន់ភ្លន់ខាងក្រៅ តែមឺងម៉ាត់ខាងក្នុង ! ចរិតនឹងធឹង គួរឲ្យគោរព មិនសូវនិយាយស្តី តែបងតែងស្តាប់គំនិតយោបល់ និងផ្តល់តម្លៃការងារជានិច្ច!

ជាបងស្រីដែលមានបេះដូងស្មោះស រឹងមាំ រឹងរូសតិចៗ តែពូកែលើកទឹកចិត្ត ជាមនុស្សស្រីម្នាក់ដែលក្លាហានពូកែពុះពារ ទោះបីជាជួបការឈឺចាប់ប៉ុន្មានដង ក៏មិនដែលភ្លេចប្អូន ខឹង បន្ទោសប្អូន! ជាបងស្រីដែលខ្ញុំរៀនសូត្របានច្រើនជាងគេ! ខ្ញុំស្រលាញ់គាត់ណាស់!

ជាបងស្រីដែលល្អប្រពៃ ចរិតសុភាពរាបសារ តែមិនគ្រប់ពេលដូចការគិត ទាំងការពិតបងចូលចិត្តលេងសើចច្រើន! ពូកែលើកទឹកចិត្ត និងផ្តល់តម្លៃដល់ប្អូនជានិច្ច! តែងតែយិតយោងលើកស្ទួយប្អូនមិនដែលប្រកែកពេលធ្វើការជាមួយ !

ជាបងស្រីដែលពូកែ ចរិកមានៈបន្តិច មានបេះដូងថ្លាបរិសុទ្ធ ទៀងត្រង់ ត្រង់ខ្លាំងពេក សឹងតែលាក់ភាពទន់ជ្រាយខ្លួនឯងមិនបាន! ចូលចិត្តស្ទួយប្អូន លើកដំកើងសរសើរ គ្រប់វេលាមិនដែលបំភ្លេច

ជាបងស្រីដែលអំនត់ តស៊ូ ពូកែ ចរិតសាមញ្ញហួសព្រំដែននៃការគិត តែចិត្តគំនិតដូចក្មេងគួរឲ្យស្រលាញ់ ចូលចិត្តស្ទួយ ប្រដៅ ផ្អែមខ្លះចត់ខ្លះ

ជាបងស្រីដែលមានពោរពេញដោយថាមពល ម៉ឺងម៉ាត់ ម៉ដ្ឋចត់ ដូចមនុស្សប្រុស ! ប៉ុន្តែលាក់ភាពទន់ភ្លន់របស់គាត់នៅពីក្រោយខ្នងហ្វេនរបស់គាត់គ្រប់ពេល BackStage

ខ្ញុំបាទ #សោមដូរ៉េ ពិតជាមានសេចក្តីរំភើបឥតឧបមាជាមួយបទពិសោធន៍នៃការចងចាំដ៏ទន់ភ្លន់ដែលបានបញ្ចេញស្នាដៃនិពន្ធបទចម្រៀងលើកតម្កើងស្ត្រីក្នុងកម្មវិធី MISS UNIVERSE CAMBODIA បីបួនឆ្នាំផ្ទួនៗគ្នា បកស្រាយដោយបងស្រី #មាសសុខសោភា #ពេជ្រសោភា ! អ្វីដែលកាន់តែរំជួលចិត្តនោះគឺនៅពេលដែលពួកគាត់កាន់មេក្រូស្រែកច្រៀងយ៉ាងអង់អាច! ប្រណីតភាពនៃសម្លៀកបំពាក់ រួមជាមួយឧបករណ៍ភ្លេងខ្មែរគួរជាទីគយគន់គាប់ចិត្ត! ពីក្រោយស្នាមញញឹមដ៏ស្រស់ស្អាតនារីខ្មែរ កាន់តែរំលេចពាក្យពេចន៍ក្នុងបទចម្រៀង ឲ្យផុសឡើងប្រៀបដូចជាសារមួយទៅកាន់ទស្សនិកជន និងអ្នកគាំទ្រ! នេះជាជំហ៊ានថ្មីមួយទៀតនាំយកសម្រស់ស្រ្តីកម្ពុជា បង្ហាញទៅកាន់ពិភពលោក!!! អរគុណបងៗថ្នាក់ដឹកនាំរៀបចំកម្មវិធីគ្រប់ជាន់ថ្នាក់សម្រាប់ឱកាសមួយនេះ!

THEME TRACK:

01- Beauty of my Kingdom

02- មកុដស្ត្រី

BONOUS TRACK:

03- DANCE AND SMILE

បន្ទាប់ពី សោមដូរ៉េ អាក់ខាននិពន្ធបទចម្រៀងចូលឆ្នាំអស់រយៈពេលជាច្រើនឆ្នាំំក្នុងនាមជាអ្នកនិពន្ធឯករាជ្រ ក្នុងឆ្នាំ២០២៥ ខ្ញុំបានវិលត្រឡប់មកវិញសារជាថ្មី ដោយធ្វើការផលិតបទចម្រៀងមួយបទមានចំណងជើងថា ( ចាក់ក្រឡេកទយ ) ច្រៀងដោយ សុគន្ធនិសា+រូលីន

គ្រាន់តែបង្ហោះក្នុង OFFICIAL FACEBOOK PAGE SOKUN NISA

ក្នុងរយៈពេលត្រឹមតែ 7ម៉ោង TEASER បទចម្រៀងចាក់ក្រឡេកទយ ទទួលបាន 1M View

ផ្ទុះការភ្ញាក់ផ្អើលនិងSHARE ព្រោងព្រាតពេញបណ្តាញសង្គម ទាញបទចម្រៀងមួយបទនេះឲ្យក្លាយជាTOP TRENDING ជាបទលេខ១ ក្នុងឱកាសពិធីបុណ្យចូលឆ្នាំខ្មែរ២០២៥ ព្រោះឮគ្រប់កន្លែង ហើយតារាចម្រៀងទាំង២ទទួលបាន EVENT ច្រៀង១ខែ៣១ថ្ងៃស្ទើរតែគ្មានថ្ងៃសម្រាក ទាំងមិនទាន់ដល់ថ្ងៃចូលឆ្នាំផង ។

ក្នុងឆ្នាំនេះសង្កេតឃើញថាបទចម្រៀង១បទទៀតរបស់រូលីនដែលបានថតកាលពី៥ឆ្នាំមុន ក៏ត្រូវបានគេគាស់រំឮកមកយកមកស្តាប់រាំលេង TRENDING ម្តងទៀតដូចគ្នាគឺបទ៖

( រាំកាលីងបាយសង )

និពន្ធទំនុកច្រៀងដោយ៖ សោមដូរ៉េ / និពន្ធបទភ្លេងដោយ៖ JOPOK

អស់រយៈពេលជិត២ទស្សវត្សន៍មកនេះ! ក្នុងស្នាដៃចម្រៀងរបស់ខ្ញុំជាងរាប់រយបទគ្រប់ប្រភេទចង្វាក់ សុទ្ធសឹងតែជាការចម្រាញ់ចេញពីអារម្មណ៍ជាក់ស្តែងពិតៗ ជាពិសេសខ្ញុំគឺជាមនុស្សម្នាក់ដែលចូលចិត្ត បញ្ច្រៀបអត្ថន័យបែបអប់រំ លើកទឹកចិត្តដល់អ្នកស្តាប់ ! ខ្ញុំឆ្ងល់ណាស់មិនដឹងថាមកពីហេតុអ្វី ! បានជារាល់ពេលដែលខ្ញុំយកចម្រៀងឲ្យអ្នកដទៃស្តាប់គេ ញញឹម គេរំជើបរំជួល ខ្ញុំសប្បាយចិត្តណាស់ ជាពិសេសពេលដែលអ្នកណាម្នាក់មិនសប្បាយចិត្ត បាក់ទឹកចិត្ត ឬអារម្មណ៍មិនល្អ ខ្ញុំតែងតែតាមសួរនាំ ហើយចង់ជជែកជាមួយគេដើម្បីប្រឹក្សាផ្លូវចិត្ត! ទាំងពេលខ្លះពាក្យប្រឹក្សាទាំងនោះខ្ញុំមិនអាចយកមក អនុវត្តលើខ្លួនឯងផ្ទាល់ក៏ដោយ!

...........................................

ខ្ញុំមានអនុស្សាវរីយ៍ស្នាដៃចម្រៀងលើកទឹកចិត្ត៤បទទាក់ទងជាមួយនិងសាច់រឿងរបស់ សិស្សប្រឡងបាក់ឌុប ដែលបកស្រាយដោយតារាចម្រៀងប្រុសស្រីមកពីផលិតកម្មខុសៗគ្នា មានទាំងកម្សត់ មនោសញ្ចេតនា បង្កប់ដោយអត្ថន័យជ្រាលជ្រៅ !

បទទី១៖ សង្សារថ្នាក់ទី១២ ច្រៀងដោយ បងប្រុស នៅស៊ីនឿន

សម្រួលបទភ្លេងដោយ បងប្រុសចក់ (អតីតក្រុមចចកសមុទ្រ)

ក្នុងអាល់ប៊ុមពិសេស THE CLASSROOM

ផលិតក្នុងឆ្នាំ២០១១ ក្នុងផលិតកម្មរស្មីហង្សមាស